Switch to: English

أخبار سورية

أسعار العملات في سورية
01/08/2009 Share/Save/Bookmark
إرسال طباعة
مطاعم شعبية تتحول إلى نوادي ليلية... وفتيات مخمورات يخرجن من دمر الشرقية

مطاعم شعبية تتحول إلى نوادي ليلية... وفتيات مخمورات يخرجن من دمر الشرقية

(دي برس - خاص)

حلة جديدة أغرت العديد من المطاعم الشعبية والمقاهي لارتدائها، فالأرباح الوفيرة والحشود الغفيرة التي تتهافت إلى السهر في النوادي الليلية كان سبباً بارزاً لتحولها من مطاعم شعبية وعائلية إلى «كازينوهات» غنائية وراقصة لا تنتهي حفلاتها إلا بعد بزوغ الفجر.
وفي منطقة دمر قوبل تحول «مطعم كليوبترا» من مطعم شعبي ترتاده عائلات دمر الشرقية ودمر البلد إلى كازينو ليلي بسخط واسع، حيث لم يضع المعنيين وأصحاب المطعم في الحسبان أن موقع هذا الكازينو ملاصق جداً لأحياء شعبية منغلقة ومحافظة، ما دفع أهالي المنطقة لتوجيه شكاوى عدة إلى الجهات المختصة والمسؤولة عن ذلك يعيد المطعم إلى سالف عصره أو يتكفل بنقله إلى حيث تجمعات النوادي الليلية.

وبحسب إسماعيل جوخدار مختار دمر الشرقية فأن الكازينو كان في السابق مقتصراً على مبنى حمام دمر «حمام الهنا»، الذي تحول هو أيضاً إلى وكر للقمار والسهر والحفلات الضيقة، التي سرعان ما توسعت لتشمل مطعم كليوبترا الذي يجاهر بإقامة الحفلات وانتشار فتيات الليل شبه العاريات على أبوابه وبمرأى من أهل الحي، فضلاً عن وجود أصحاب العضلات المفتولة لحراسة المطعم ما يثير الرعب في قلب المارة، أما الطامة الكبرى ووفقاً للمختار فتتمثل بخروج الفتيات من السهر وهن في حالة سكر وترنح، الأمر الذي دفع العديد من شباب دمر للتجمهر لحظة إغلاق المطعم أبوابه بغية رؤيتهن وهن في هذه الحالة، لذلك يعقد المختار والأهالي أمالاً كبيرة على الشكاوى المقدمة علها تنجح في جعل المطعم يخلع ثوبه الجديد ويعود شعبياً كما عرف على مدار سنوات طوال..

تعليقات الزوار          عدد التعليقات (56)
56
دمر
ابويزن            27/04/2012 03:24:43 ص
مسخرة اهل دمر
55
قبض
احمد            28/07/2011 11:14:47 م
المختاربعد سنة ونصف من المحاكمات اقتنع بملغ مليون ليرة ليسكت عن الموضوع بعدما خلع من المخترة ليرجع الى نشاط البناء المخالف (بلادمر بلا حدا )
54
انتحال اسم
المحامي ديب السعيد            19/06/2011 12:33:12 ص
يقوم فراس عبد الرزاق بكتابة تعليق باسمي وصار امره مكشوف لاهل دمر واكرر بأن ما قام به مختار دمر امر يشكر عليه
53
المكان رائع
المحامي ديب السعيد            05/04/2011 04:04:43 م
شو اهل دمر لح يضلوا متخلفين لافين نسوانهن وببيوتهن اعدين انا ضدد الفساد وكمان ضدد التخلف وهذا المحل حضاري انا كنت 3 مرات في فرنسا ما حدا بيدخل بحدا يا جماعة حجة تخلف
52
حاج علاك
ميوش            13/03/2011 04:57:59 ص
هادا المحل كتير حلو وكتير محترو وكلاس وحاج علاك وتخلف لسا عاريات ولسا بطيخ المحل بيجنن والاستاذ تمام بيطير العقل وكتير محترم هو و محلو والجو كتير رواق وكل واحد بيحكي غير هيك ياكل هوااااااااااااا
51
تعليق
المحامي ديب السعيد            02/02/2011 12:57:20 ص
هناك من نشر تعليق باسمي وانا لاعلاقة لي به فهناك من يريد بث الخلاف بيني وبين المحتار والحقيقة ان المختار مشكور على كل ماانجزه لدمر واهل دمر
50
يعني من اسمك مبسوط المفرفش
أبو الحسن            26/12/2010 02:05:18 ص
باينك مالك علاقة بشي حبيب إذا ما كنت رجال ومالك شرف احتفظ برأيك لحالك احسن ما تبهدل حالك
49
ليش المغالطة
دمراني            26/12/2010 02:03:55 ص
كلام المختار فيه كل الصحة بيكفي يجي شخص قادر يحكي الحق ويشوف بعينو يلي عم يقول انو زباين المحل عائلات راقية من اهل الشام بقلك وين الالتزام يا سيد البنت عم تفوت صحيانة وعم تطلع سكرانة اذا بدك انا ببعت صور وفيديو للمكان
48
أبو الحسن            26/12/2010 02:02:04 ص
الكلام صح 10000000% وكل اهل دمر مستائين وأولهم المختار والله يعطيهم العافية شباب دمر اكتر من مرة عملنا مشاكل منشان يتسكر والله يئوينا ويكون معنا مو بس منشان نسكر هاد الديسكو ونسكر كل الكازينوهات بالشام والله يئوي المختار وينصروا ويسكر هالتفاهة
47
اليوم صار الحق باطل مع الاسف
واحد من الناس            26/12/2010 01:50:01 ص
على فكرة مع الاسف صار الحق باطل لانو انا من اهالي دمر وسكان دمر كلام المختار اسماعيل جوخدار صحيح المشكلة مو بالمحل انو بنات عاريات او مشروب او قمار كل واحد حر بحالو بس المشكلة انو المحل مجاور على بيوت فيها اطفال وبنات وشباب وطلاب مدارس انا بتمنى من اي شخص قادر يحكي ضميرو بصوت عالي يجي يوم الخميس او السبت الساعة 2 بعد منتصف الليل يسمع الصوت من مكان بعيد عن المحل ويحكي ضميرو بذكر انو يلي عم يحكي انو كل واحد حر بحياتو بقلو انو حر بحياتك بدون ما تأذي الناس الاطفال ما عم تنام بالليل من الصوت العالي وعم تعطل عالمدارس بشكر دي برس والكاتب والمختار احلى مختار والله الله يرحم البطن يلي حملك ويرحم ابوك يلي رباك ابن عز من يومك مو متل بعض جماعة باعو اهلون مشان المصاري
46
قله الادب زايده عندنا يا العرب اقراءو
محمد            21/12/2010 06:51:20 م
بنات شباب استحو على وجهكم كل واحد و وحده في هدا الزمن نازله ب حبيب واللللللللللللللللله عيب
45
الكل خايف تنقطع رزقتوا الحرام
دمراني            11/12/2010 02:02:07 م
ألى كل من علق على المختار أم رورو بقلك أنو ما لقيتو غير هل المطرح تستعرصو فيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بيكفي أنا واحد على خلق
44
دمر
مهند            09/10/2010 12:51:53 م
ليش مدايق انت شو ماعندك اصل ولا مومعترف عليك يا عمو خليك بي حالك يا جاجة
43
ااااااااااااااااخ
جوزيف            06/10/2010 03:52:20 م
عندي فكرة-شو دايك يا صاحب المقال نفرض عقوبة ع صاحب المحل 80 جلدة متل ايام الرسول
42
مهند            09/09/2010 10:13:59 ص
كل عام وانتي بخير يا دمر
41
تبلت
نمعلفت            16/08/2010 12:57:41 م
تالتم
40
في شئ صحيح
الواقعية            08/08/2010 04:58:22 م
أنا ساكنة في منطقة البحوث العلمية وهي منطقة قريبة من المختار صح في بنات بيطلعوا من المختار وبيروحوا مع الزبائن بس مافي شباب من دمر بوقفوا وبيتفرجوا على البنات المترنحات من الخمر يعني فب شيئ صحيح من المقال بس في مبالغة وشوية كذب
39
مهند كن            07/08/2010 08:56:53 ص
احلى شباب دمر لوحوش الله يحميكن من عيون العام والله يرحمك يامختار دمر ابو مسلم شو اصلي ومعدل ونضيف
38
دمر
مهند            10/07/2010 02:24:22 م
لك اذا بصير مشاكل بياولو ان دمر بلدمشاكل ضيب هدشو هناء لدمر وليسا حمام شششششششششششششششوهد يازلمة بكرة بصير مشكلة بيقولو انو دمر بلد لمشاكل واذا بيسكت بيقولو شوهددمر هي كككك
37
الموضوع في مغالطة
الممحامي ديب السعيد            01/07/2010 04:30:58 م
يا أحبابي المحل ما عم يزعج حدا بس ابن عم المختار عندو ارض ناح المطعم وعم يحركش على الجماعة بركي بيقبض قرشين ههههههه
36
حمام لهناء
دمر انا            19/06/2010 09:01:35 ص
ياسيدي الله ايعين اهلي دمر شو بيجيهن حكي من العام
35
دمر
اصلي دمراني            03/06/2010 10:38:01 ص
دمر احلى بلد0 شعبا اصلي بس الي بيحكي علها بغار منها
34
حمام لهناء
دمر بلدي            30/05/2010 09:57:05 ص
الله يرحم مختار دمر لكبير ابو مسلم ك مكان يصر مشاكل بيدمر بس هك بي حكي سام يدمر
33
مثقف مع أدب
مترفع عن الدنايا            13/10/2009 01:58:32 م
اعتذر اعتذر اعتذر عن الرد لتدني المستوى يا Zami
32
اعتذار شديد اللهجة
Zami            06/10/2009 12:02:50 م
هذا اعتذار رسمي لكل بائعي البطاطا عالطنبر. بعد اطلاعي على رد "مثقف مع أدب"، لاحظت كم أني تماديت بوصفي للصحفي ببائع بطاطا عالطنبر. فما ذنب هؤلاء وهم فعلاً قد يفوقوا "الجريء" أمانةً وصدقاً. أما أنت يا "مثقف مع أدب"... لن أخفيك أني حاولت جاهداً أن لا أرد على تعليقك الذي إن كان يهدف لشيء، فهو يهدف إلى "رمي البلى" وإثارة مواضيع ليس لها أي علاقة بالمقال "الغيور على مصلحة البلد"... كم أأسف لكونك ابن بلدي وكم أشك أنك أنت هو الصحفي...
31
مثقف مع أدب
رد غبي لمقال ذكي            29/09/2009 06:04:36 م
الغيور على مصلحة البلد معروف والمثقف معروف والإنسان المحترم معروف والتعليق المحترم واضح والإنسان الباحث عن المصلحة العامة واضح وحتى بياع البطاطا عالطنبر إذا كان مخلص وعم يدور على المصلحة العامة بيكون مثقف ومخلص لوطنه وأبناء وطنه بس المشكلة باللي عامل حالو مثقف وفهمان وما بيعرف يزين كلامو ولا بحترم أبناء المجتمع فبياع البطاطا عالطنبر عم يربي أحسن المثقفين من ولادو والرسالة اللي وجهها السيد الرئيس بفطورو مع عمال النظافة لازم يفهمها كل مثقف وفهمان انو الاحترام لكل مخلص بهالوطن شو ما كان عملو لانو العمل ( سواء كان زبال أو بياع عالطنبر ) شرف للي بيفهم معنى الشرف
30
أغبى مقال في العالم
Zami            28/09/2009 05:33:48 م
شو هالصحفي الناجح!!!يعني أكذب من هيك أنا ما سمعت بحياتي كلّها "كازينو ليلي... وكر للقمار والسهر والحفلات الضيقة...تيات الليل شبه العاريات" يعني ما بعرف شو بدّي إحكي... الثقافة والفهم شارّين شر من حضرة الصحفي "الجريء"... رفعت راس البلد الحقيقة... أنا رأيي ترجع تبيع بطاطا عالطنبر أشرفلك... أو كتوب إسمك يا جريء
29
جرأة على الحق
صحفي غريب            21/09/2009 01:56:28 م
والله مختار جريء والصحفي جريء اكتر منحيي هيك صحفي تجرا في وقت الكتير عم يداهن اصحاب المال والعلاقات شكرا دي برس شكرا الصحفي شكرا المختار
28
كلنا شايفين بس المختار حكا
دمراني أصيل            14/09/2009 05:46:18 م
المنظر الشاذ عند خروج البنات وحواليهم البدي كاردات كل دمر وكل الناس شابفتو بس الكل عم يسكت عل الخطأ وما في غير هالمختار تجرأ وحكا خوفا على اهل بلدو بس وقت الجد إذا بدكون كل دمر بتكون مع المختار ومستعدين نروح لأكبر مسؤول ونأكد كلام المختار لانو خايف على ولادنا وسمعة اهلنا والله يخلصنا من هالبلاء ويرجعلنا حمام الهنا يلي نحرمنا سهراتو الأصيلة العائلية اللي كانت بعيدة عن البلاوي
27
وجهة نظر
واسطة خير            14/09/2009 12:57:05 م
يعني ليش هالخناق والخلاف انا رايي الحل بسيط خلي اللي بدو يسكر ويلعب قمار ينستر بالكازينو بس لا تؤذي غيرك بهالمناظر وخصوصا عالصبح بكير ولا تزعل اهل دمر لانك مجاورهم
26
مختار شريف
أبو خالد الأرنؤوطي            13/09/2009 01:32:44 م
الله محييك يا مختار يعني لأنك شريف وخايف على هالشباب عم يحاربوك والله أياديك البيضاء على دمر معروفة وكفك النظيفة الكل بيشهدلها والله يحميك مو بكرا يرفعوا عليك دعوى ذم وقدح والوقوف في وجه السياحة
25
غيرة وحسد
خالد الحسين            15/08/2009 01:22:46 م
يبدو ان معد هذا التقرير لم يستطع الدخول الى clupيوم الخميس
24
STUPID
TAREK            15/08/2009 11:56:26 ص
This is by far the worst article i have ever red ,how do u judge without going to the place and check it out,i go there every weekend and its very classy, besides of course ppl will drink and have fun but every thing within limits ,and those ppl are the best families in syria it was so funny when i red the author saying there is gambling LOL ARE U KIDDING ME!!!
23
جميعنا محافظون يا سيد تتمة
HM            09/08/2009 04:44:54 م
اخيرا إبداء الرأى محبب عندما لا يكون فيه تجني على اعراض وكرامات الناس لأن السحر ينقلب على اساحر.لقد تماديتوا بإتهامات كاذبة(قمار ومجون)على أهم عائلات سوريا واشرفها واكثرها محافظة لكن على القيم التي تتقبل الغير لو كان لا يشاطره الرأى,والأخلاق التي لا تمثلها طريقة اللباس والعيش بل المعاملة والتصرف والأنفتاح على الغير وتجاهل النميمة والحقد.ختاما اسلوبكم هو لإيهام الشباب العائد الى الوطن انه لا مكان للتطور مع الحفاظ على الاخلاقيات وبالمعنى الدارج تطفيشهم إذ وجدوا مطاعم واماكن سهر بديلة عن لبنان والأردن ومصر والغرب.لذلك اقول لكم من عاشر القوم او اصبح منهم او رحل عنهم.لعلمكم إن شباب سوريا باقون ومستمرون في مشروع التطوير والإستثمار في بلدهم ولن يغيروا اسلوب حياتهم ولياسهم لإرضائكم كما انتم غير ملزمون بالتغيير ولكن هذا لا يجعل منكم محافظون اكثر مننا يا سادة
22
جميعنا محافظون يا سيد
HM            09/08/2009 03:42:00 م
اين التتمة؟
21
جميعنا محافظون يا سيد و لكن
HM            09/08/2009 02:51:45 م
انها فعلا مثيرة للعجب ..المقالة والادعات يا قوم نحن هنا في ابو رمانة, دمر ,القصاع ونعلم اين اماكن السهر وانواعها. احياء شعبية منغلقةومحافظةانت بقولك تنفي عن بقية احياء دمشق المحافظةوتحصره بدمر.لكنت وافقتك الراى لوكان في بقية الاحياء 30 كازينو ومقى ولا يوجد بدمر. اما بالنسبة للمختار وبعض اهالي دمر حتى لا نشمل الجميع هل يسكنون في دمر ام المالكي؟ان كانوا في دمر فعجبي انهم لم ينزعجواطيلة 30 عام من المقاهي الشعبية التي تستضيف المطربين العرب حتى الفجر ولن اتدخل بما يحدث من مشاكل فهم ادرى!!اما ان يكون بمفهومهم الموسيقا العربية حتى الفجرشعبيةومحافظة والموسيقا الغربية(فجور وعري وقمار)فهذا ليس تخلف انما جرم تشهير ليس بالمطعم المذكور انما بجميعنا ويعاقب عليه القانون.اننا نعيش في بلدنا سوريا وهي ليست حكر لاي فثة عيشوا كما يحلو لكم ودعوا الغير يعيش كما يحلو له وجميعنا تحت سقف قانون سوريا وليس قانون الاشخاص.لن ننعتكم بالفاظ واتهامات بادرتوا بها لاننا نحترم انفسنا اولا والغير ثانيا.تابع التتمة
20
احلى شي
زياد            09/08/2009 09:52:27 ص
"فضلاً عن وجود أصحاب العضلات المفتولة لحراسة المطعم ما يثير الرعب في قلب المارة، " بشرفك ما بتستحي تكتب هيك؟ يعني هدول ليش بيثيرو الرعب؟ الهون 5 عيون مثلا؟ الشباب جايين من المريخ يعني ؟بعدين يلي ابيحترم حالو من شو بدو يخاف منون ولا نسيت يا حضرة المحرر انو البلد فيها قانون؟ قال بيثيروا الرعب قال
19
المصداقية
زياد            08/08/2009 09:36:51 ص
انا أقترح على المحرر الذي يبدو أنه لا يرغب حتى بذكر اسمه على مقالته أن يلقي نظرة على ما يجري سواء في منطقة المرجة أو في النوادي الليلية المنتشرة في الغوطة كل ليلة و على عينك يا تاجر. يكفي القول أن بعض من أهم الشخصيات المرموقة تتواجد في المطعم المزعوم للسهر ولو كان الجو موبوء كما وصفته هل تعتقد انهم سيتواجدون في اماكن مشبوهة ؟؟؟؟ اما بالنسبة للذين وصفتهم بالسكارى فتلك مشكلتهم اذا فعلا كما تقول وفي هذه الحالة هم يتحملون نتيجة افعالهم امام القانون .. في النهاية أريد أن اذكر السيد المحرر الغامض بالقانون الذهبي لعالم الصحافة : أكتب عما تستطيع اثباته وليس عما تعتقده..
18
دخيل الشرف
أم الرور            06/08/2009 07:58:32 م
بيكفي بقى ادعاء وشرفيات... الكل بدو يعمل حالو نضيف على كتافنا... بس يا أستاذ الصحفي يلي مو حاطط أسمك مو هاد هو الشرف ولا النضافة، حاج نستنسخ بعض، مافيا العالم كلياتا تعيش بنفس الطريقة، كل واحد عندو أسلوبو، ومتل ما نحنا ما منحكي شي على أسلوبون بالحياة لهدول الناس يلي عم يعترضوا كمان هنن ما يحكوا وخليون ساكتين، نحنا مو عاجبنا أسلوبون بالحياة، فشو رأيون ما يتدخلوا فينا هنن كمان... صحيح.. اليوم السهرة بالمحل يا شباب...
17
حلوا عنا
هادي الرستم            06/08/2009 07:52:54 م
لك أي حاجة غلاظة وتفاهة وبياخة وقلة عقل هنن خمس محلات بهالبلد استكترتون علينا... وتركتوا كل المحلات ولحقتوا هاد المحل...
16
خلصنا تفاهة
سعيد المعصب            06/08/2009 07:49:03 م
حاجة تخلف ومسخرة... كلياتنا منروح على هالمحل وعلى غيرو، وأخواتنا بيروحوا ونحنا أكتر شرف من يلي عم يحكي ويلي عم يقول عالبنات المخمورات والمترنحات بالطريق، وإذا الناس يلي عم توقف بالطريق عديمة ومو شايفة شي، مو مشكلتنا بقى، نحنا تاركينون بحالون، شو رأيون يتركونا كمان نحنا بحالنا نعيش متل ما بدنا ونعمل يلي بدنا، والله عيب هالحكي يا جماعة...
15
بقعة ضوء
يوسف الطافش            06/08/2009 03:57:26 م
انا زبون بالمحل و بحبو كتير بسبب نظافة الجو و رقي البشر جوا ..بس الظاهر انو الكاتب عديم لدرجة انو ما بيفرق بين الكاباريهات و بين اماكن السهر المرتبة بتمنى منك بس تفتح التلفزيون و تتفرج شو عمبيصير بالدنيا او على الاقل اتصفح الانترنت و وسع افقك
14
جهل و تخلف
ىبيل            06/08/2009 03:27:09 م
رواد هدا المكان عائلات دمشقية معروفة ووجهاء المجتمع السورى و مدراء مصارف و شركات - سفراء و صحفيين و اللدين يريدون ان يعطوا لسوريا وجها اخر ضمن الاصول والعادات والتقاليد. هل تظن ايها العبقري المفتري ان هؤلاء الاشخاص سيصطحبوا عائلاتهم الى تلك الاماكن لو صح كلامك ؟ تاكد من معلوماتك .اصحاب هدا المكان من خيرة الدمشقيين المحافظين والمؤمنين بسوريا المستقبل والصورة الجديدة لها وبالتالي لا يقبلون بمثل هده الاتهامات . ان اصحاب العضلات المفتولة هم لردع اصحاب المشاكل والمتطفلين والاشخاص الغير مرغوب بهم واللدين يسيؤون التصرف ودورهم حماية الزبائن. ليس هناك نساء عاريات و حفلات خاصة مشبوهة وادا كنت عالما بالامور لتيقنت من هم زوار هداالمكان.اخرجوا من هده القوقعةالوهمية وكفى تحليل ما تريدون تحليله و تضليل الناس. سٍوريا بلد للجميع ومهد للحضارات وبلدالتآخي والعلمانية ينعم بهااهلها ويريدون الخير لها بعيدا عن التعصب وكبح الحريات الشخصية ضمن الانظمةالمعمول بها. ألم نتعلم بما جرى و ما يجري حولنا.العبرة لمن اعتبر .. ادا لم يعجبك هدا المكان فلا تقصده ويسرناادا بقيت بعيدا عنه انت و امثالك .
13
لك بس ل متى!!!!!
yasser            06/08/2009 11:54:19 ص
لك بس لمتى هذا التخلف و الجهل لك عيب يكتب هيك مقالة بالقرن 21
12
افغانستان
الملا عمر            06/08/2009 11:01:43 ص
شو رايك يا حضرت الكاتب انو تروح تسهر بتورابورا او كابل مشان تفك عقدك يا على اساس مثقف
11
التخلف
حمزة            06/08/2009 10:06:24 ص
من المؤسف ان نرى على صفحات صحافتنا الالكترونية مقالات تتبنى التخلف وعدم المعرفة وقدح وذم الاشخاص والاماكن على ما يبدو لاغراض شخصية مع العلم ان هذا المطعم يعتبر من اكثر الاماكن السياحية في سورية تطورا و اقترابا من مفاهيم السياحة العالمية الراقية فاتمنى على كاتب المقال ان يرى الفرق بين اماكن المجون التي على ما يبدو قد عاش تفاصيلها بشكل جيد والمطلوب النظر بشكل ايجابي وحضاري الى كافة الانشطة السياحية بسوريا
10
عاري من الصحة
مجد            05/08/2009 02:44:47 م
هاد هوه صراع الحضارات
9
no comment
خالد            05/08/2009 02:40:40 م
يعني اسخف من انه نرد على هيك مقال سخيف و غير مسؤول..اي افلام الابيض و الاسود كانوا متحضرين اكتر
8
عيب بقا
دانا سلمان            05/08/2009 02:37:21 م
لسه كلما بدنا نتحضر بيجوا المتخلفين ليرجعونا 10 سنين لورا اذا بيرايكون هاد المكان انا رحت عليه و ما في شي من هالحكي الوسخ
7
برااااااااااااافو
ساندرا علوش            05/08/2009 02:31:48 م
إيمتى بدنا نخلص من موضوع القدح والذم والحكم ع الناس و تشويه السمعة و عدم تقبل الأخر ... ياريت لما حدا بدو يكتب هيك مقال يفوت عالمحل و يشوف إنو أكابر البلد و أهم الشخصيات هنن اللي بيروحوا عليه و إنو هاد المحل مانو مكان للقمار وفتيات الليل ... وغيرا من المصطلحات اللي استخدما الكاتب ... وغير هيك ... "من كان منكم بلا خطيئة فليرجمها بحجر " ... و ليش منطّلع عالقشة اللي بعين غيرناوالشوكة اللي بعينك مابتشوفا؟
6
صباح الخير صرنا بالقرن ال21
غالية الطباع            05/08/2009 02:21:00 م
لك مشان الله خلونا بهالبلد نتحضر بقا و الله عيب نحنا منروح على هالمحل و اهالينا بايدن بيوصلونل لانه ارقى مكان و اكثر مكان امان و مرتب و بصراحة اذا انتوا مو شايفين شي فهل تخلف لازم يلتقاله حل و متل ما بنتحمل وجود امثالكن بحياتنا بدكن تتحملونا و يللي مو عاجبه هالمحل ما يجي عليه بيكون ريحنا و انا بنصح صحاب المحل ما يسكتوا على هالحكي لانه عم يعادي تقدم سوريا
5
المقالة عارية من الصحة
اياد            05/08/2009 01:05:15 م
هذه المقالة عارية من الصحة المكان عبارة عن مطعم محترم يرتاده ارقى عائلات دمشق ولكن الكتاب يبدو انه كتب المقالة لغاية ما وليس كمايدعي بانه يحافظ على الاخلاق العامة
4
مقالة غير صحيحة
كريم            04/08/2009 06:29:29 م
انا رحت على هادا المحل و بكل صراحة ما شفت وكر للقمار و نساءعارياة. أرتب و أهم الناس في سوريا تتواجد بالمحل. اتهامات غلط
3
شوصاير للناس
faten            01/08/2009 09:34:31 م
حرام يلي عم بيصر بالبلد ماحدا بيحترم التاني ولا حدا بيفكر شو صاير بالناس اذا الواحد مارتاح ببيتو وين بدو يرتاح بالشارع شوية احترام ومحبة لبعض وبس
2
شكرا للمختار
صاحب ضمير            01/08/2009 07:19:42 م
الله يستر على بنات دمر وكل بنات الشام ويحمينا...وبدي قول للمبسوط المفرفش انو انت معدوم الشرف
1
حرام يا ناس
مبسوط المفرفش            01/08/2009 08:26:07 ص
شو أهل دمر البلد الله يهديهن مابيحبو البسط والفرفشة يا حرام ليش لبقطعو برزق الرقاصات والمخمورات قطع الاعناق ولا قطع الارزاق
شارك برأيك !
     
الاسم:
عنوان التعليق:
التعليق:
     

الطقس في سوريا

دمشق


لطيف
القصوى: 28°
الدنيا: 14°
الرطوبة: 68%
<< حالة الطقس في بقية المحافظات السورية
الأكثر قراءة الأكثر تعليقاً الأكثر إرسالاً

هل تعتقد أن دمشق والغرب سوف يتعاونان في مجال مكافحة الإرهاب في سورية؟



ساحة الحوار    
    مختارات
حملة بصورتك لون علمك
Review www.dp-news.com on alexa.com
الرئيسية | سياسة | أخبار سورية | أخبار مصر | اقتصاد | كأس العالم | تحقيقات | شارك | بورصة ومصارف | رياضة | تنمية | منوعات | ثقافة وفن | صحة | عقارات | سيارات | سياحة | علوم واتصالات | برس ريليس
هيئة التحرير | لمحة | الإعلانات | الاتصال بنا