Switch to: English

مسلسلات رمضان

25/08/2010 Share/Save/Bookmark
إرسال طباعة
رشا شربتجي وسلاف معمار
رشا شربتجي وسلاف معمار

مشاهد "الجنس" تزداد سخونة في مسلسل "تخت شرقي"

(دي برس- خاص )

مشهد جريء ذاك الذي عرض في الحلقة الثالثة عشر من مسلسل تخت شرقي، وتدور أحداثه بين مكسيم خليل الذي يجسد دور الطبيب "طارق" المصاب بوساس قهري، وزميلته الطبيبة "غريتا" التي تجسد دورها الفنانة سلافة معمار وهي شخصية فوضوية ومهملة، فالمشهد الذي يجمعهما سوية في بيت غريتا لوحدهما يتطور، ليقوم طارق رغم الغبارالذي على يديه وهو المهووس بالنظافة بتقبيل "غريتا" على خدها ومغازلتها بالقول "أنت بتحبي الغبرا"، بعدها يتم عرضهما في السرير وشرشف يغطيهما بالكامل، فيما يقومان بحركات توحي بممارستهما للجنس الذي يقطعه عودة والدها المفاجىء من السفر، تقوم "غريتا" بارتداء كنزتها على عجل، على حين يعرض طارق عاري الصدر ويرتدي بنطلونه، ثم يختبىء في الخزانة، ويهرب من البيت بعد أن يدخل الوالد إلى الحمام.



يذكر أن قناة المشرق عرضت المشهد كاملاً، فيما لم يسلم من مقص الرقابة على قناة أبو ظبي، ويروي المسلسل حكاية أربعة شبان كانوا زملاء في المدرسة الثانوية، وبالرغم من اختلاف طبائعهم، ميولهم، ورؤيتهم للحياة، إلا أنهم متشابهون تتداخل مصائرهم فيما بينها لتصوغ حكاية عن الحب والصداقة، ومشاكل العلاقة بين الرجل والمرأة في ظل ازدواجية الأخلاق في عالمٍ تسوده النزعة الاستهلاكية.

يشارك في "تخت شرقي"، الذي يُعرض على قناة أبو ظبي وتلفزيون المشرق، نخبة من نجوم الدراما السورية.

أبطال العمل:

قصي خولي، أمل عرفة، سلافة معمار، مكسيم خليل، سوسن أرشيد، سليم صبري، عبد الهادي الصباغ، سلوم حداد، يارا صبري، طارق الصباغ، مأمو الفرخ، محمد حداقي، وغيرهم..

تخت شرقي

تأليف: يم مشهدي

إخراج: رشا شربتجي

مدير الإنتاج: عاصم العوا

مدير إنتاج مساعد: فادي شاهين

مدير الإضاءة والتصوير: ناصر الركا

ماكيير: حنان دوبا

بيان برازي

تصفيف الشعر: محي الدين المنجد

باسل مسالخي

مشرف ملابس: بشير العاقل

مخرج مساعد: حسام سلامة

سكريبت: وداد نعمة

مساعدة سكريبت: ريم الهبري

مساعد مخرج: ابراهيم قنوع

مشرف إكسسوارات وديكور: زياد شاهين

الموسيقى التصويرية: رضوان نصري

كلمات الشارة: عدنان عودة

غناء الشارة: آدم

تعليقات الزوار          عدد التعليقات (86)
86
مسخرة
رفعت خيربك            22/07/2013 08:36:34 م
الفنانة سلاف شرفة ولايجب كتابة الوقاحةموقع تافه
85
الجنس
محمد            18/06/2013 12:12:18 م
اقبح شئ فى الدنيا ونفسى يوضع حد لهذا الموضوع عشان ولدنا
84
قلة فهم
احمد            21/12/2011 12:50:15 م
فعلا ما بيستحوا عبطلعوا في شهر رمضان بس الصراحة مسلسل جميل
83
لا داع
fati            25/09/2011 01:25:41 م
لا داع لهدا المشهد ما الغاية منه؟ مع ان المسلسل حلو .........
82
مسلسل "تخت شرقي"
IMMAN            15/09/2011 10:49:04 م
احلى دور00يارا صبرى
81
يعطيك العافية يارشا
مؤيد            12/09/2011 01:20:00 ص
شكرا
80
مسلسل تخت شرقي
وطني سوري            08/05/2011 10:11:55 م
إن هذا المسلسل يعالج قضايا فعلا حساسة في المجتمع السوري ولكن أستغرب سماح يارا صبري ورشا شربتجي لأنفسهم أن يمثلوا أدوار الخلاعة في هذا المسلسل وينادون بفك الحصار عن أطفال درعا كيف يمكن الجمع بين حرية الطرح التلفزيوني وركوب موجة العملاء على سوريا ورجل بالفلاحة ورجل بالبور رجاء لا تضعو على منتداكم رأي الشعب بالفنانين لأنهم سودوا وجوهنا واشتغلوا بدولارات بندر والحريري
79
بحب كل السوريين وبحييهم
أية من مصر            22/02/2011 11:09:16 ص
انا من مصر و عايزة اقول اولا ان انا شايفة الممثلين السوريين اكثر موهبة و اكثر اتقان من كل الممثلين العرب. بجد والله مش بجامل. طبعا الكلام ده انا بقوله بعد ما شفت مسلسلات رائعة زي باب الحارة و وراء الشمس ز حابة احيي ممثلين زي بسام كوسا, نادين تحسين بك, مصطفى الخاني, فايز قزق,سلاف فواخرجي,سمر سامي و عبدالمنعم عمايري و غيرهم. بالنسبة للمسلسل انا حابة اقول رايي فيه بعد اذنكو طبعا. و عارفة ان ممكن ناس تقول هي بأي حق بتتكلم ده المسلسلات و الافلام المصرية اوسخ من كده بكتيير! طبعا عندكو حق و عشان كده انا اتجهت مؤخرا للاعمال السورية. بالنسبة لتخت شرقي انا شايفة ان الحوار كان اضعف حاجة فيه. يعني حاسه كأن الممثلين بيقولو اللي على مزاجهم و كأنهم قاعدين مع بعض عادي من غير ما يكون في حوار. و كمان شايفة انه مسلسل جريء مش بس فمشاهده (لأن انا لحد دلوقت ماشفتش اي مشهد وحش) انه كمان جريء ففكرته و في اللي عايز يقوله. و بصراحة في مئة طريقة ممكن نفهم بيها ان في حاجة حصلت بين طارق و جريتا غير ان احنا نشوفهم بعنينا.شكرا و مصر كلها بتحييكو
78
عادي
سما            11/02/2011 12:23:04 ص
انا شف كتيييير الموضوع عادي يعني بكل الافلام العربية بتصير
77
يامدام مشاركة
مامون            13/12/2010 03:48:31 م
لو ماكنتي انتي السخيفة ماكنتي بتحكي هيك عن النجمة يارا صبري اصلا انتي وحدة جاهلة اصلا يارا طالعة بتجنن بس اذا انتي بتكريهها مو ضروري تحكي شروي غروي عنها احكي كلام بيدل على ذوق انا ماعم قول انو لاتحكي شو ريك بس فيكي تحكي بطريقة لطيفة والله حسيتك زليخة العمشة الدليل انك كاتبة اسمك مشاركة
76
المشهد تقريبا كوميدي ويا ريت لو منترك الولاد الصغار عجنب
زيزكو* ك. س            20/10/2010 02:05:23 م
زيزكو* ك. س المشهد كوميدي تقريبا وشيلو الولاد الصغار عجنب بعدين شو دخل الولاد الصغار بهيك مسلسلات الولاد الصغار عم يحضروا أبو جانتي ضيعة ضايعة باب الحارة وأهل الراية وغيرها من هالمسلسلات هادااذا ما بدنا نقول برامج الأطفال يلي هيي أهم شي بالنسبة الهن فهاي هيي المسلسلات يلي بتشدن أما مسلسل تخت شرقي مو من النوع يلي بيشد الولاد الصغار واذا شدهن المسلسل فماشالله شو فتحين واذا فهمواشوعم بيصير فيه فماشالله عليهم وهوي أكيد لاء مارح يفهموا شي فحاج نقول الولاد الصغار. والمراهقين يلي بدهن يحضروا فبيعود بقى كل واحد لنفسو ولشخصيتو ولتربيتو واذا اثرت فيهن هالمشاهد ففي 6000 مشهد متلو بشي 6000 مسلسل على شي 6000 محطة فضائية وعنجد عنجد المشهد مصور بطريقة كوميديا ولا بس لأنو مصورين شوي من أجسامهن نسينا كيف المشهد مركب وكيف صار كلو ضحك وقت اللي كانت سلافة عم تحكي أبوها ومكسيم متخبى بالخزانة وعم يلعب بالغراض اللي فيها وسوري طولت عليكن
75
الى تعليق 52
سوسو            04/10/2010 12:54:33 م
رقم52 عجبني كثييير حكيك وانا كمان هيك قلت لما شفت المسلسل بس كمان بدي قول شغلة المسلسل واقعي وبيحكي عن التفاصيل اليومية بشكل كثير دقيق لدرجة انو احيانا بحسو ممل ومع هيك هو صحيح فيو شوية جراءة بس مو لهالدرجة اللي انتو عم تحكو عنها المشهد عم يوضح للمشاهد انو الثنين كان عم يصير في شي بينهن وبعدين بيفوت ابوها...السينما المصرية فيها مشاهد جنس بالتفصيل وما حدا عم يحكي شي...وقفت عالمشهد البسيط ...لازالت الدراما السورية بخير..وبعدين كل واحد حر بحالو واللي مو عاجبو مو مشكلة يطفي التلفزيون
74
المسلسل كلو جريئ
زكي سليط            30/09/2010 04:39:56 م
يا حبيبي شو دخل الشهر الكريم بقصة المسلسل أصلا يلي بيتابع المسلسل من الأول بيلاقي هادا المشهد عادي لأنو المسلسل كلو جريئ ومبني عالجرأة وهالكلام قالتو المخرجة رشا شربتجي أول عرض المسلسل بمقابلة مع عوافي مع نادين عالانفينيتي انو المسلسل جريئ هاي شغلة اولى شغلة تانية انو سلافة معمار دورها انها وحدة اجنبية وكانت عايشة برا ولو كانت اخدي دور وحدة عربية أو سورية ما كانت رح تعمل هيك أو يعرضو المشهد فالمسلسل كللللللللللو جريئ ومواضيعو جريئة وهي اخدي دور بنت متحررة وكانت عايشة ببلاد الأجانب عرفتو شو)فشو رأيكم؟
73
سلمت يداكم
تيم            30/09/2010 01:37:19 ص
اسمي تيم من الشام انا واحد من الناس يلي كان يشارك بادوار ثانوية مع المخرج الكبير والقدير هشام شربتجي ويلي هو وسام فخر وتقديير علق من تلقاء نفسه على صدورناانا ما عندي كتييير لأقولو لأنو اكيد شهادتي رح تكون مجروحة بوصف أعمال الأستاذة الكبيرة رشا شربجي ويلي فعلا عملت نقلة نوعية بممارسة الاخراج اكيد متل ما بيقولو بنت ابوها وانا بالنسبة لألي واحد من الناس يلي بيعتبر انو هاد المسلسل الأكتر من رائع مو هو اجتماعي بقدر مو هو توعوي و متل ما سلط الضوء على وقائع فعلا مأخوذة من واقع حياتنا كمان في جانب توعوي مو هيك؟؟؟؟ وللا انا غلطان بالنهاية كلمتين ما عندي غيرهن "" انسة رشا يعطيكي الف عافية وتبقي منورة شاشتنا السورية بأعملك الكبيرة والضخمة وربنا يزيدك كمان وكمان انتي انسانة فعلا ترفع لكي القبعة""""" المعجب بأعمالك تيم وشكرا
72
ما هو التطور ؟
galaxy            25/09/2010 07:28:19 م
ماهو التطور ؟ ان نعرض افلام سيكس على الفضائيات ان كان هذا التطور فان العاهرات هم اشد الناس تطور في هذه الارض يؤسفني ان تعرض هذه المسلسلات
71
مافي داعي للاباحية
محمد            25/09/2010 07:23:50 م
مافي داعي نعرض مسلسل درامي على انو هو فلم سيكس حتى العالم تشوفو هي بابالحارة مسلسل سخيف جدا و حقق نجاح كبير هي اهل الراية وحتى كتير مسلسلات بتحقق نجاحات كبيرة بدون مشاهد السيكس هي ضروري ماكسيم خليل يضاجع سلاف معمار قدام الشاشات و تحت الحرام لنلاقي متعة بالمسلسل ضروري ولادنا يشوفوا هي المشاهد الاباحية لاحقين ع التفسيد انا بخالف هيك مسلسلات و للي بدو يشوف هيك اشياء يا حبيباتي و ما يعارضها بلا شرف ديرو ع الهوت بيرد احسن لالكون بكتير باصد ع القمر الاوروبي
70
لحظة لو سمحتو
هالة            20/09/2010 09:51:41 م
السلام عليكم اول شي اريد اقوله انه مو شي غريب لما بنشوف مثل هاي المشاهد والي انا شخصيا ما لاحظته بس العتب مو عالافلام والمسلسلات الي بتظهر العتب على البرامج الاجتماعية التعبانة الي تظهر على الشاشات وتستضيف احسن واشهر الدكاترة والله ليش حتى يعالجون قضايا ساخنة (( جنسية!)) ولا يهتمون لجمهور الي بيشاهدهم طيب ابائنا واجدادنا شلون خلفونة هم كان موجود مثل هاي البرامج ولا زالت هناك اشهر العوائل الي بيرجع تاريخهم لالاف العصور فخلينا دائما نركز على امور ايجابية ما نركز على امور تعبانة والواضح من كل الاراء الموافقة على المسلسلة والرافضة له مشاهدين هذا المشهد فاحب اقول انه كلكم حاليا متساويييييييييييين وشكرا .......... مجرد راي
69
روعه
لولو            19/09/2010 12:24:25 ص
أنا شفت المسلسل روعه وعم احضرو علا النت ودامجني ومش شايفي فيه عيب لا تهاجموه كل هل الهجوم وبعدبين نص أو أكتر المسلسلات افظع من هل اللقطه وبيكونو كمان عريانين للآخر وهدول لابسين وتحت الحرام ياحرام لهدرجه خدشو حياكم وبعدين أنتو متناقضين إلي ماعجبه المسلسل ليش يشوفه للآخر وحتا ليش يدخل الموقعه لأنكم كزابين وعاجبكم بس بذكم تتفلشفو بأي شيء
68
الله حيو
المهندسة            18/09/2010 03:09:36 م
والله انت احلى سعودية بالدنيا ياريت كل الناس متك ..... اها هاد حكي بينحكى يسلم تمك... يا ريت تكونوا انبسطتوا بهالبهدلة يللي عبتنعرض على هاد الموقع المحترم ....
67
سعودية وبحب الشام
بنت سعودية            18/09/2010 11:50:27 ص
عيب عليكم لما تحكوا هيك على المسلسل صحيح ليش كلنا لما بنشوف حداًبيتصرف تصرف غريب بس شاطرين في الماهجمه لو سمحت يالي عم تتكلم عن المسلسل ركز بس دقيقة {إنتا أو إنتي إتزكروا شو عملتم في جميع مراحل عمركن لاتقولو إنكن مالكم عاملين شئ الأنسان ليس معصوم من الغلط} صراحتاًرأيي الخاص والي ماحدا يقدر يغيرو مسلسل تخت شرقي روعة كتير خصوصاًإني من معجبات الفنان الراقي كتير والي بحترم فنه وصراحه إنه ممثل حاز على جوائز وهيدا دليل على إنه ممثل جدير بالثقة واللي يشرفني إني أقول إسمه الفنان{{{قصي عميد خولي}}
66
صحيح
المهندسة 2            18/09/2010 10:47:29 ص
أنا مع تعليق المهندسه الحلوة لانه رايها كتير حلو بقى اقتنعوا بترجاكم...
65
حسبي الله نعم الوكيل
المهندسة            17/09/2010 10:56:03 م
يا ولو حاج. حاج تسبوا وتلعنوا وتنطوا وتقمزوا... حاج الدنيا هيك ومجتمعنا هيك والمسلسل هيك حبك تابع المسلسل تابع ما حبك قلوب القناة وخلصنا كرمال الله حاج تعبنا من لعيكم الفاضي.. روحوا تشاطروا على غير شي اهم من مسلسل نعرض وخلص . بدي اقلكم معلومة تعليقكم هي كلها مالها قيمة لانو ماحدا مطلع عليها يومين وبتنحذف . بقى حاجتكم .التهوا بشغلتكم . الله يعطيكم العافية كتير اتعذبتوا
64
سخافة
مشاركة            17/09/2010 03:33:47 م
يارا صبري سخافة دورك ممللة جدا سخيفة وغير مجيدة للدور وظهرت بشكل سخيف جدا وما تقولي انو الدور هيك بدو لو اي ممثلة مبتدئة ادت الدور لنجحت وتألقت أكتر منك
63
انسلاخ عن القيم والاخلاق الحميدة
ابوفارس            16/09/2010 12:14:48 ص
هذه ( وقاحة وتجرؤ على المحرمات المخلفة للدين والتربية الاسلامية -- ان لم تستحي فافعل ماشئت-)
62
تكملة..
محمد            15/09/2010 08:43:50 م
هيك مشاهد ما فيها غير تدخين ونوادي ليلية ومشاهد اغراء ومشاهد سريرية والله عيب وبكفينا الاحتلال الغربي والصهيوني ناقصنا احتلال عقول كمان؟!! خلونا نشعر ببركة رمضان بدون انتهاك حرمته يا ريت رسالتي توصل لكل مخرج وكاتب وممثل ان كان ذكر او انثى ومن اي دين كان رجاءااااااااااا احرتموا الديانات قبل ما تحترمونا تذكروا انه الله موجود وما بقبل يصير هيك انا فعلا خجلان قدي زمان كنت احب الدراما السورية لكن هلأ نادرا ما يكون مسلسل يعبي العين فهمنا بدكن تظهروا الواقع ولكن مو بهذا الاسلوب ذكرتوني بممثلة مصرية مثلت بسقوط بغداد سالوها ليه مثلتي مشاهد جنسية بالفيلم؟ قالت لحتى اعبر عن ليلة سقوط بغداد!!! يا عالم ما عدنا نقدر نعبر الا بالمشاهد الفاضحة؟ وين صرنا يا عرب؟ بحب اوجه رسالتي كمان لنقابة الفنانين وبقلهن يا ريت تشددوا الرقابة اكتر لانه الناس ضايعة بدون هالمشاهد البذيئة..!! رجاءا وصلوا رسالتي للنقابة وللممثلين والمخرجين كمان..لانه بكفينا جهل واحتلال للاوطان كمان يجينا احتلال لكيان الانسان ذاته؟!! تحياتي..
61
الدراما السورية تهوي الى سقر..!
محمد            15/09/2010 04:10:43 م
مرحبا للجميع في البداية اسمحولي احيي تراب الشام واهل الشام الله يحمي سوريا من كل شر بدي اعبر عن وضع خطير عم يصير بعالم الفن كلنا منعرف انه الفن هو عبارة عن رسالة ممكن نوصلها بطريقة محترمة وممكن لا وزمان كانت الدراما السورية ارقى دراما موجودة لانها بتحترم عين المشاهد عكس الدراما المصرية واللبنانية اللي تغلغل فيها الفكر الغربي المتحرر لكن اللي عم بلاحظه انه حتى الدراما السورية ما عادت هدفها بث القيم والاخلاق انما هدفها الربح المادي والشهرة فقط على حساب عين المشاهد وهلأ صارت الدراما بحالة ركود وتدني للاسف ما عدنا نشاهدها غير برمضان وبدي اقول رسالة لكل شخص بيحترم دينه بأي مكان وبسوريا بالذات انه رمضان شهر الحسنات وشهر فضيل لازم تحترموه وما تقدموا فيه اي شي بخدش الحياء لاني شاهدت كتير اعمال فعلا بتخدش الحياء(مثل تخت شرقي-حلقة 13) وما بتستحق تعرض في رمضان ولا غيره لذلك كفى استهتارا بالدين الغرب بدو يبعدنا عن الدين ويزرع فينا كل شر ونحنا ما شاء الله ما في ممانعة . . . كل شي الا رمضان كل شي انتهكوا حرمته لكن رمضان لا يا جماعة وين راح الخجل من الله والحياء؟ كيف بدكن تواجهوا الله وانتوا تقدموا
60
مجرد رأي
علي من لبنان            15/09/2010 03:37:12 م
والله يا جماعة انا مو شايف عهر ووساخة للدرجة يلي عم توصفوها والله انا شايف انو احلا مسلسل نعرض برمضان هوتخت شرقي واسعد الوراق وتخت شرقي كقصة كتير واقعية وكتير حلوة ولو ماكان مشوق وملفت للانتباه ما كان نال منكم هالعمل كل هالاتنقاد
59
كالنعام
لما            15/09/2010 01:52:32 م
أول شي بدي أشكر كل من رشا شربتجي و يم مشهدي على هذا العمل الجميل اللي لا يمكن إلا و نلاحظ مدى تطور الدراما السورية، ولكن أدعو المخرجة في المرة القادمة بأن تنتبه لتفاصيل العمل أكثر ولو أنني لا أحترم المخرجة لما بعثت لها بتلك الملاحظة. فمثلاً شخص مثل طارق والمصاب بالوسواس القهري وهو أيضاً طبيب لا يمكن له أن يتناول طعامه وهو يضع جريدة تحت الصحون والخبز ثم يقوم بعد أكل البيض بيده باللعب بشعر حبيبته. غير ذلك فأنا أشكركم على هذا العمل الرائع وحاجة حاطين رؤوسنا بالتراب وتحت الستائر إللي شو وراها غير ربك مابيعرف.
58
متأثرين بمسلسل فرندز الامريكي
وفاء            13/09/2010 09:25:40 ص
بماان المسلسل يحكي منظومة الاعزوفة الشرقيةمش لهالدرجة وصلت فينا المواصيل ياعالم ،مافي في المسلسل واحدة تجسد شخصية المراة الخلوقة المضيفة طيارة من واحد لواحد وبنتها عادي حامل بالحرام ومبسوطة وغريتا حدث ولاحرج والنهفة ابوها((بس زعلان))منها ليش راحت مع صاحبها طارق عالشقةوالرقاصة اللي اشعرونا ان الدنيا ملطشة فيهاومظلومة مشان هيك صارت رقاصة ياحرام ...وادهم اللي نام مع اختهاوثاني يوم الصبح طلع رمضان والشباب بباركوله ياعريس واللي اكثر سخافة وانحطاط طارق صاحب الاخلاق الفضيلة اللي بنام مع غريتا كأنها مرته والنهفة انه يزني بالليل والصبح صايم وكله عادي كله عادي
57
بلا تخبيص
متخلف شرقي            13/09/2010 01:28:46 ص
لو بدنا نحسبها على حسابات الدين بيكون كل شي بمجتمعنا حرام يعني يلي بيتفرج على التلفزيون حرام بعتبار بتشوفو بنات حتى لو بتحضر مبارة كرة قدم بيكون في مشجعات وبالشارع في بنات حاسري الراي فشو رايكم كل واحد بيقعد بالبيت ومايطلع وهلا تعو اقلكم شي الفن مابنقدر نقيدو ومابنقدر نعملو حدود فمابيصير اسمو فن كيف بدنا نطرح مشكلات بالمجتمع بدون ما تتعرى فنانة وبوسة ولمسة وهمسة فلا نخلط المواضيع فيلي بيخاف على حالو لايتفرج على اي مسلسل ويقضي وقتو صلاة وبيريح ويرتاح
56
اتقو الله
ابو محمود            12/09/2010 11:56:16 م
اتقو الله بانفسكم يامخرجيين ويارقاابه حرام عليييكم ازا ولد او بنت عندها 8 سنيين وسالت اشو هدا شو نحكي لهم والله حيره حييره خافو الله
55
لازم نكون اوعى من هيك
نحو الافضل            12/09/2010 08:05:56 م
انا عن جد متفاجئ بهالتعليقات بعرف انو شعبنا واعي بس للأسف الوعي صاير قليل كتير بعدين اللي عم يكتبو هيك رد انو المسلسل تافه او ما شابه يمكن هني عم يعملوا اوسخ ةمن هيك بس نحنا العرب طابع الغباء مسيطر علينا يمكن للأسف ما راح نقدر نطلع منو لانو الكدب والنفاق سيطر على حياتنا وسخ ما لا والله انتو اللي عم تكتبو التعليق اوسخ بكتير مع احترامي للصادقين المسلسل حلو وعم يناقش الحاضر بكل صراحة بس اللي امثال المعترضين على هدا العمل صدقوني هني اوسخ من كلامهم
54
ماعندكم سالفة
ماكنتوش            12/09/2010 03:01:07 ص
استغفروا الله احسن شي بتعملوووه
53
الدانه            12/09/2010 01:38:25 ص
بصراحه المسلسل جدا جدا رائع ويحكي قصص عن المجتمع بصراحه ابدعه رشا في الاخراج واعجبني دور قصي ومكسيم المسلسل رووووووووووووعه
52
حلب
مسلمةوبشدة            11/09/2010 11:53:53 م
مابعرف شوبدي قول بس اليوم سمعت مقابلةللفريق وقالت يم مشهدي لعنةالله عليها ليه مضايقيين شوالغرب وتركيا احسن مننا بدي قلهامالك خجلانة تشبهينا للغرب اللي بلادين اواخلاق عم بتدخلوالخمر والزنا والحرام اله لايوفقكن شوهالجيل اللي بدو يطلع بسلمابدها تصير مصيبة عنا لاتسالوليه ولكن الله يعز من يشاء ويزل من يشاءولك المسلسلات المصريةرخصوا لما صار عندهن هالشي عادي ونحن على شوصار بدنا نتفرج لاعربي ولااجنبي عالاساس المسلسلات السوريةلكل الاعماربس اسالوعن سر نجاح باب الحارة واهل الراية لاننامتعطشين للاخلاااااااااق للاخلاق واللي حرص الاسلام عليه واللي للاسف لوماتنازلنا عنها صفة وراصفة ماوصلنالهون اللهم ارني بالذين يريدون بالسلام سوءيوماقريباياارحمالراحمين ولسه هلق بيكرمون لهل المبدعي بس تفي
51
شي عجيب
عابرة سبيل            08/09/2010 05:55:12 ص
الله لا يسامح رشا شربتجي على هالمشاهد يلي مالها طعمة ممك نفهم شو فادت المسلسل هيك شاهد تافهة في كتير مشاكل عنا بالمجتمع اعم من هيك بكتيير لازم تنعرض وينحكى عنها لاء وشو سلاف معمار فرحانة كتير بحالها وهي بالزلط الله لا يوفقها ولا يوفق جوزها ولا هي هيي عندون قمة التحرر العما وصلو للزناااااااااااااااااااااا وبرمضاااااااااان!!!!!!!!! عنجد اخر الزمان الله لا يسامحون ولا يوفقون لك يحترمو هالعالم الراقية يلي عم تتفرج ويلي عم يقول انو هي الحقيقة هي الحقيقة عندكون وبمجتمعكون الوسخ اما المجتمع السوري مازال محترما وملتزما وغصبا عن الكل
50
فلسطين
العقل            07/09/2010 07:56:44 م
انا اسفة اقصد اعجبني تعليق (مدهوش) و رده على سوزان العلي.. و على فكرة عتبي على تالا و مثيلاتها كبير ..
49
يؤسفني.......
عابر سبيل            07/09/2010 05:29:45 ص
كنت عنجد مشتهي شوف كترة هال الآراء على موضوع دين أو سياسة أو تربوي حتا بس المؤسف أنو سمعوا باقصة في مشاهد ((شبه جنسية)) صار الكل بدوا يعلق . بس بكل بساطة بأمكانك أنو تغير القناة أو تصفي التلفزيون بس بأمكانك تختار شي قناة من الميلوديات أو الmbc2 أو mbc4 أو فوكس سيريس و تشوف القصة إذا بتوقف على بوسة خد ... من الأخير أأأأأأأأف ف ف ف ف
48
فلسطين
العقل            07/09/2010 05:17:34 ص
اعجبني جدا التعليق رقم 23 و اهنئ صاحبه
47
عيب هاد الحكي
مشاهد            30/08/2010 10:55:00 ص
بدي رد على التعليق رقم 42 مادخل ازا مكسيم!!!!! او سلافة !!!!! هاد مسلسل وعم ينقل واقع وبالواقع الشغلة راجعة لتربية البيت مو لشي تاني
46
الحقيقة
مشاهد            30/08/2010 10:44:35 ص
ليش دايما الحقيقة بمجتمعنا بتزعل يا جماعة هي حقيقة واقعنا والمسلسل عم ينقل الواقع مو اكتر وما ألو غاية لا يفسد الاجيال ولا يهين حدا بس دايما الحقيقة مرة المسلسلات التركية يلي نقلت مشاهد من غرفة التوليد ماحدا زعل منا مع انو هاد هو يلي بينزع الاجيال لانو حكي فاضي ومالو معنيى جوهري ليوصل للمشاهد (كبروا عقلكن وشوفوا الامور من باب تاني )
45
شو هاد
عم نقلد الأجانتب والاتراك بهيك مشاهد            30/08/2010 02:46:01 ص
الممثلين يلي عم بيمثلوا هيك أدوار بشعة قليلين أدب وما بيخجلوا أبدا نزلوا من عيني كتير خاصة مكسيم وسلاف
44
نارا
تعيش و تربي            29/08/2010 06:24:38 ص
انتي يا رشا وينو الوالد هشام شربتجي ما بيعرف شو مربي .. والله إلي بتتجرأ على هيك مشاهد ما بتكون سائلة عن عيلتا كلها .......
43
عنجد كبرت كتير
لي لي            28/08/2010 03:06:36 م
مفكرة حالك يا رشا شربتجي اذا حطيتي هيك مشاهد ساقطة بتنشهري لأ لانو كل مالو الجمهور عمبيحتقرك ويحكي عليكي لانو بعمرا ما كانت مجتمعاتنا المحافظة تقبل بهادا الشي و اذا رشا قبلت بهادا الشي وينك يا سيف الدين سبيعي ضب مرتك ما عد في نخوة ماعد في رجال و ياسوسن ارشيد مالك عين ضبي زوجك لانك عم تفظعي اكتر منو بالمختصر مسلسل فاشل و حقير ومنحط ...........
42
خطوات مدروسة لتدمير المجتمعات
أبو عبد الرحمن            28/08/2010 01:57:51 م
باختصار أقول : الحمد لله الذي لغيت جهاز التلفاز من بيتي منذ حوالي السنة , ومن وقتها وللآن أعيش أجمل أوقات الحب والسعادة مع زوجتي ولله الحمد .
41
شايف نسينا حالنا
اياس            28/08/2010 12:31:16 ص
مع اني مابتنازل شوف هيك مسخره بس بذكر ,طلع من 10 سنين مسلسل يمكن باال بي سي لوحده اسما بردويل فيو هيك مسخره ولبس بكيني وغيرو فمنعو وتوقف عرضو . انا بعتقد انو لما تشوف بطل بتحبو بيحكي بلكنتك ولهجتك فرح تتأثر في كتير ولما بتشوفو مسطح مزلط وهو متلك فرح تتأثر خصوصا للناس الوسط ضعاف الأيمان او الحياديين عكلن الحقيقه تأثير هالمسلسلات كبير وشعبيتهن عاليه مو لأنهن اقوياء نصا او اخراجا اوتمثيلا بس لأنو فيو بنات حلوين ولغه شاميه محببه وهلأ فتنا بقله الأدب ( ومافيهن غير انو عم يجيبو دولار للبلد)
40
للاسف
كوكو            27/08/2010 08:54:33 م
يهني بتتخوثو على المشهداستحو عشرفكم ,
39
مممممممم
مشاهدة            26/08/2010 10:00:49 م
ياجماعة يلي عما يصير بالواقع اكبر من هيك والمسلسل هوي مجرد نقل لاحداث موجودة ويلي حاسس انو هالشي مهين لاهل بيتو بيئدر يغير المحطة وما يتابع المسلسل وهاد راي شخصي فيني مع احترامي وتقديري لكل الاراء يلي ئبلي
38
؟؟؟؟؟؟؟
مسلم            26/08/2010 02:49:26 م
لك اذا نحنا مسلمين بيكون عندنا شوي نخوة و شرف و ناموس هادا اذا ما حكينا عن الحلال و الحرام بس الظاهر انو الشرف و الأخلاق صارت موضة قديمة عند بعض الناس مشان هيك عم يشجعو هيك تفاهات
37
حرام
نارا            26/08/2010 01:36:24 م
اين الدين اين الاسلام لقد ترحموا عليه وخاصة شهر رمضان
36
وما خفي كان أعظم
حباب كتير            26/08/2010 12:40:57 م
يا أخوان ليش هالضجة على لقطة حلوة مرت وخلاص خلصنا منها.. ليش اللي عم يصير وسط كواليس الفن والفنانين اهون من هيك بكتير.. إسألو راح تنسطلو بالجو الفري وكلن حبابين بس ينولنا من الطيب نصيب
35
معصب
almrooo            26/08/2010 11:57:39 ص
انا مع هادا الباب لينفتح لحتى نواجه مخاوفنا احسن ما انضل متخبين ورا اصبعنا
34
الحصرم
حوراني            26/08/2010 10:42:05 ص
انا مع التعليق رقم 26 وليداي والله المسلسل بيسلط الضوء على كثير شغلات حلوة ومفيدة بعدين كل المسلسلات فيها مشاهد جنسية ليش مسلسل باب الحارة يوم تصير الشامية تتدلع على جوزها وتتغنوج و من كثر التوتر والحرارةرح تقع على طولها مش مشاهدجنسية، انا ضد اي مشهد في اغراء بس في زمانا هذا خلينا نركز على الجوهر وبصاهة انا كثير بحب يم مشهدي ورشا شربتجي وبتمنى المرات الجاية يراعو شوي ويتذكرو انو المسلسل مش موجة لنخبة معينة المسلسل عم بيشوفو كل الناس وشكراً
33
عليا            26/08/2010 10:22:31 ص
اولااا يلي عم تحكو ع سلافة ... ما بحقلكم تحكو الممثل اذا طلع ع التلفزيون او اذا تابعتولو مسلسل مو يعني استملكتو وصار بحقلكم تعلقو عليه خلص الي ما عجبو المسلسل لا يتفرج ما حدا جابركم تتفرجو واذا خايفين ع ولادكم وين سلطتكم كأهل لتمنعوهم عن المسلسل ... الديجيتال مليان محطات الصغار ما بيتفرجو عليها ... واللي بدو يقول انو عم يخربو الولاد عيب كتيير لانو وين ترباية الاهل ... ولا الاهل بيتركو الولاد بالبيت ع التلفزيون وبينسو يربوهم واخر الشي اذا خربو بيقولو بعد كل تعبنا ليش هيك طلعو .... قعدو ربو ولادكم ومافي شي بالدنيا ممكن يأثر فيهم .... والمجتمع طبقات وكل واحد حسب مجتمعو عالم بتشوف المسلسل وقح وعالم بتشوفو عادي بقا لا حدا يعمم رأيو
32
القذارة
امجد الطحان            26/08/2010 10:00:44 ص
هذا المسلسل وسخ كتير بس الحق مو على الممثلين الحق على الرقابة !!!!!!! يلي بلا طعمة يازلمة عبيفسدوا الصغار وباختصار تضرب هيك رقابة
31
يا أمة ضحكت من جهلها الأمم
هاني            26/08/2010 09:36:08 ص
إن الهجوم على هذا المسلسل الرائع غير مبرر. لا أعتقد أن ما رأيناه هو مشهد جنسي بل هو محاولة لنقل بعض صور الواقع بنمطية مختلفة عما أعتدنا على رؤيته في الدراما العربية. كان الأحرى بنا أن نشكر المخرجة و الممثليين عما يقدمونه بدلاً من أن نوجه له، بما نحمل من عقول مريضة و متعفنة، الاتهامات بل و الإهانات. و أنا على يقين بأن مكسيم و رشا( المبدعة) و سلاف و سيف الدين (الزوجان الرائعان)سيستمروا بتقديم المميز من الأعمال في محاولة لتغيير ما لدى البعض من عقد تجاه كل ما يتعلق بالجنس أو الدين.
30
للمعلقة تالا
جساس            26/08/2010 09:11:11 ص
فعلا انت غير محترمة الله يشفيك من حقدك ومن طائفيتك
29
للمثلة سلافة
nnn            26/08/2010 02:10:59 ص
عيب هادا الشي
28
صحيح نسيت احكي شغله
مازن            25/08/2010 11:04:26 م
الله يرحم إيامك يا أبو الهنا
27
غسلوا مخنا بالمسلسلات التركيه
مازن            25/08/2010 10:47:27 م
بالأول لما كنا نشوف تنين معانقين بعض بالمسلسل كنا نقول يا عيب الشوم شو هاد هلأ صرنا نقول الحمد لله في مغطيهون حرام ،، شفتوا ليش عملوا مسلسلات تركيه و عرضوها علينا ؟ مشان يخلوا هيك مشاهد بالنسبه لإلنا شغله عاديه جدا،، بعدين شو صرلا هي رشا شربتجي السنه الماضيه عملت مسلسل محترم في إله هدف و معنى هالسنه ليش زلطت علأخير
26
شيء مضحك
شامي            25/08/2010 10:39:29 م
بكفي ندفن راسنا بالرمل مثل النعامة هاد واقع و المسلسل واقعي لأبعد الحدود
25
إلى سوزان علي
مدهوش            25/08/2010 04:31:56 م
شو هالحكي الفاضي؟ كلامك كله مغالطات... يعني بدنا نفهم الولد أو البنت بعمر 8 أو 10 سنين أنو هدول عم يزنوا... طيب رح يسألنا شو الزنا رح نقلون والله هي عملية إدخال... في... هذه هي الثقافة يلي عم تحكي عليها؟؟؟ كما أنه من قال أن هذه المشاهد مقبولة في غير رمضان من يتكلم عن رمضان قهو يتكلم عن حرمته التي يجب أن تحترم.. عندما يقوم طالب جامعة بإساءة ما ألا تقولين أن هذا الطالب لم يحترم المكان الذي يجلس فيه؟ وهل يعني ذلك أن إساءته خارج حرم الجامعة مقبولة؟؟؟ الأدب والموسيقا من أرقى الفنون ولكن عندما لا تكون مصاحبة لإساءة للأخرين وعندما تكون في سياقها المقبول... ولي كلمة عمن يقول أن هذا هو مجتمعنا: قولوا هذا هو مجتمعكم، هذه هي بيوتك الفاسدة ولا تعمموا على المجتمع السوري فأنتم إن كانت بيئتكم الإجتماعية مشرشحة بهذه الطريقة الله يعينكم ولكن لا تعمموا على الأخرين...
24
الصحيح
عمر            25/08/2010 04:29:09 م
لا يصح الا الصحيح الفورة الدرامية السورية تنهار وعاد الجمهور العربي الى قواعد الدراما المصرية بسلام لانها تحترم التقاليد مومتل رشا يلي حابة تجاكر ابوها قامت عملت كبرية برمضان
23
باينة
سهير            25/08/2010 04:04:39 م
مع احترامي لكل التعليقات مشكلتي أنا بالنص اللي واضح تفككو المؤلفة مو عرفانة الله وين حاططها وكل مشهد بيطلعلو شي تلات دقايق وكلو ثرثرة فطبيعي تلجأ لهيك مشاهد مشان تخلي الناس تتابع بس مكشوفة القصة
22
عيب على المعلقة تالا
السوري            25/08/2010 04:02:23 م
المشهد لم يقدم جنس واضح بل ترك للمشاهد الحرية بالتخيل و ليس بالضرورة يكون جنس مبتزل الذي هو في فكر المعلقين المنتقدين و اقول للمعلقة تالا عيب عليكي تغمزي من ديانة الممثل انت وحدة غير محترمة....
21
رشا شربتجي اصبحت ايناس الدغيدي بسوريا
انوس            25/08/2010 02:45:58 م
يا سلام يا فنانة رشا...بئس الأستاذ وبئس التلميذ
20
عودي الى رشدكي يا سلافة
كميليا            25/08/2010 02:32:01 م
علقت من قبل و قلت انا أتقبّل مشاهد القبلة على الخد أو العناق بين الممثلين بس مشاهد السرير و حركات الجنس و الممثل نايم فوق الممثلة و لا ممكن أتقبّلها. الحلقة شفتها لحالي بغرفتي و خجلت لمّا شفت هيك مشهد، شلون لو كنت مع العيلة. رشا شربتجي و سلافة معمار عيب عليكن ..و الله الشعبية اللي حققتوها السنة اللي فاتت راح تخسروا نصّها بعد ها المشهد السخيف..ايه نعم المسلسل واقعي بس كان ممكن تمويه مشهد الجنس و التلميح أحسن من عرض المشهد هيك..يعني ممكن السنة الجاية ما يكون فيه شرشف و راح نشوف الممثلين بالزلط بس صراحة ما استنيتها منّك يا سلافة
19
الموسيقا كانت الهة
سوزان علي            25/08/2010 02:12:11 م
لولا المسرح والفنون وحتى الحكايات و الاساطير القديمة لم تتكون الانسانية لتبدع . واذا كنتم تقولون أن المشاهد في هذا المسلسل او غيره اباحية في هذا الشهر الكريم معناه أنها مسموحة في شهر اخر ,ولو اقتربنا من الحقيقة ككل بالنسبة لما يأمرنا به الله فالموسيقى والسينما والادب كله حرام ,وبالنسبة للاولاد الذين يمكن أن يشاهدو هذه اللقطات الساخنة فأين دوركم في تثقيفهم وياترى لما بتنزل أي بنت على الشارع وبتسمع تلطيشة بزيئة أكيد لقطة من التلفزيون أحسن لها لأنها على الاقل مار تنجرح .
18
يا عيب الشوم
رامي            25/08/2010 02:07:12 م
السؤال الذي يطرح نفسه في مثل هكذا مقامات، لماذا. مالفائدة من كل هذا الجنس والعهر الذي يطرح على شاشاتنا، ولماذا نقلد نحن السوريين ما يقدمه الآخرون. أما من يقول بأن هذا جزء من المجتمع، فأقول له صحيح ما تقولون، ولكن علينا ألا ننشر الغسيل الوسخ أمام الملئ فاتقوا الله فينا وفي أبناءنا
17
???
Khwan            25/08/2010 01:08:51 م
إبداع رشا شربتجي بكون بتسليط الضوء على واقع المجتمع السوري وهاد اللي عم نشوفو اليوم هو من واقع المجتمع واللي عم يصير كل يوم وعند أغلب الناس .. لكن مع الأسف مجتمعنا تعود يعيش حياتو بالسر ويفكر بالسر ويحب بالسر ويمارس بالسر وطبيعي كتير تكون ردة فعلو هيك من خلال هالتعليقات الحادة لأن الكل عم يرفض يفشي هالسر ويعترف انو هاد الواقع ..
16
وحياتو لله مدري
دكتور كومجي            25/08/2010 01:01:28 م
يعني بشرفكون هلق نجي لنحكي بصراحة رشا غلطت يااخي وعرضت مسلسلات فاضحة هل من الطبيعي تتوسعو بالشرح المفصل لحتى الي ما انتبه ينتبه والي ما عم يتابع يتابع اي شو هل الاخلاق الحميدة خلص استرو شهر رمضان بس طمنوني كنتو صايمين وانتو عم تكتبو التعليق ولا مفطرين لانو اذا اذا صايمين بتكونو فطرتو مو لانو حكيتو على رشا ولا على سيف ولا على سلاف لاء غلطانين لانو صار عندكم وضع حرج حاجتنا خلنا ناقش المشاكل الموضوعية بعدين يعني نسيانين التلفزيون العربي السوري من زمان واللع ابي كان يقضي السهرة تقليب من كتر ما يطلع مشاهد ساخنة خلص اسا بدنا نستشرف هلق قلبو الاذاعة الله يرحم لما ما كان في ريموت كنا تقلب بس هلق كيف الصورة راح ترجملكون الزوجة : يقطع عمرون على قلة زوقون الرجل : اي والله الله ياخدون مو ناقص غير انون يطلعو بالظلط الزوجة شايفة يا ماما كيف الدنيا برا كلها ولاد حرام البنت : اي والله ياماما بس مسترة البنت واذا شوفي مو مبين ....... اسا يعني شوفيها الخ وهيك حديث السهرة يعني الي ما انتبة بصير بينتبة وشكرا
15
الهروب من الواقع
شادي ابراهيم            25/08/2010 11:35:53 ص
ليش على طول لازم نهرب من الشي الواقعي ونجسد أنفسنا على إننا صاحبة الرسول هدا هو الواقع وبهني كل العاملين على المسلسل مو على الجرأة بل على الواقعية وعقبال أنن يصيرو يسبو بالمسلاسلات متل ما منسب نحنا بالشارع وبغير الشارع هي الواقعية
14
ما حبيتها منك يا دادو
الأميـــــــــــــــــر            25/08/2010 11:32:08 ص
الجنس يا أخ دادو ماهو قلة أدب عندما يكون بالحلال الطيب مكللاً بالستر. وهو زنا والذي كما تعلم أنه من الكبائر عندما يكون بالحرام... نعم لمسة اليد هي من الزنا , وقد قال رسول الله صلى الله عليه وسلم: العين تزني وزناها النظر واليد تزني وزناها اللمس...ولا أجدك عاقلاً بوصفك إستهجان هذه المشاهد الساقطة على شاشة تلفزيون حكومي جلّ أهلها مسلمون في شهر رمضان أو حتى في غيره بأنه تخّلف... وبرأيي وأظنك توافقني الرأي التقدم ليس في إفساد الناس علناً, فالفاسد لا يعدم الوسيلة ليمتع ناظريه بمشاهد أسخن من هذا المشهد العادي-برأيك- آلاف المرات .....المتألم المتفائل ...
13
سؤال برسم الدي برس
مدهوش            25/08/2010 11:24:59 ص
بالمناسبة أنتو شو عم تحاولوا تعملو بهيك أخبار بالضبط... يعني فهمنا المسلسلات مرآة لعكس صورة الإنحطاط عند مؤلفينا ومخرجينا مثل ما بيقولوا... أنتوا شو عم تعكسو؟؟؟
12
مدري ليش اليوم مالي مدهوش
مدهوش            25/08/2010 11:19:57 ص
الحمد لله ما عم أتفرج لا على هاد المسلسل ولا غيره كلو أتفه من بعضه... ولكن العتب على يلي بيتفرج وهو متوقع يشوف هيك شي بعدين بيجي زعلان أنو عم يحطوا هيك مشاهد للعيلة... يعني افهموها مسلسلاتنا صارت نص بورنو فما توقعوا أحسن من هيك شي ويلي بدو يحافظ على مشاعر اخته ولا أمه بلا ما يحط على مسلسلاتنا. الحمد لله أنا برأيي هي الأمور هي يلي رح تخلي العالم تبطل فرجة عالتلفزيون برمضان وترجعلنا رمضان البراءة تبع أيام زمان مو رمضان العقد النفسية والكبت الجنسي عند "فنانينا" مع أني متأكد أنو لا عندون كبت ولا بطيخ... ههههههه
11
العيب في المخرج
مراقب            25/08/2010 10:27:19 ص
المشكلة ان المخرج امراة ومن طبعها الحياء و العيب على زوج سلافة المخرج سبيعي الذي يقبل ان تظهر زوجته بمشهد تحت البطانية
10
galia.aytouny@gmail.com
غالية            25/08/2010 09:18:19 ص
ولو كمل المشهد بعد مابيعد بالخزانة هي عم تضحك وتلاعب ابوها بغرفة النوم ولا كان عاملة شي ولاحتى خايفة وهو بالخزانة عم يتفرج على لانجري تبعها ويفتح صندوق بداخلوا صورها مع حبيبها السابق بمشاهد كمان ساخنة حدا يقلي نحنا بأي زمن لا وبدو يتزوجها هنا المفارقة الكبرى هي مشهد من المسلسل ليش ماحطيت كمان المشهد لبيطلع في محمد حداقي بدون تياب وهو عم يمارس الجنس مع مها المصري هدول مشاهد رمضان رشا شربتجي تحولت لايناس الدغيدي سوريا ولا حلى اكتر انو في عائلات كانوا عم يتفرجوا على المسلسل مابتذكر بعمري كان رمضان في هيك مسلسلات تنعرض في هيك مشاهد ايا بدكم ماملكت ايمانكم نفس الشي وعلى أضرب مشاهد رنا لابيض مع عبد الحكيم قطيفان وكان الدعارة شغل مو خطيئة كبرى ولحم رخص مبارح عاملين مقابلة عم يسالو الممثلين والعالم شو رايكم باحداث الممسلسلات برمضان والجرئة الزايدة احلى شي جواب ايمن رضا نحنا دولة علمانية شوفوا وبكل فخر بقولها ولماعجبوا يغير القنناة ولا بتعرفوا هاد الشيطان بجوز دافع منيح قبل مايطلع اجازة
9
محطات السكس مفتوحة وعلى مدار الساعة
شوفيها            25/08/2010 09:13:18 ص
يعني هلاء صرنا شرفاء ما محطات السكس مفتوحة 24 ساعة ونص الأفلام المصرية فيها سكس شو فيها إذا طلع هاد المشهد
8
لعمش
شو هالحكي            25/08/2010 09:05:49 ص
سلاف فواخرجي؟؟؟ والله كنت مفكرا اكبر من هيك !!! وجوزا شو وضعو اذا شاف هاللقطة يمكن هادا هوة سباب انفصال الممثلين دائما !!! الله يستووووووووور
7
في أمل
الأميـــــــــــــــــــــــــــــــــــــــــــــر            25/08/2010 08:52:34 ص
مو مطولين حتى مايكون هناك شرشف يعني باناقص شوية مصاريف عالمنتج , يشتري شراشف وبطانيات يغطي فيها هالأسرّة ... أصلاً الدنيا شوب كتير ومو ضروري كتير هالشرشف... بس أخ منك ياسيف كيف شعورك وانت عبتخيّل حالك مكسيم؟؟؟؟
6
لكاتبة العمل ومخرجته
أبو الليل            25/08/2010 08:50:41 ص
هل برأيكم إيجاد تبرير لعرض مشاهد وقحة هو الحل الذي ابتكرتماه لإسكات الناس؟ للكاتبة أعرف تماما تربيتك الشيوعية ولا يهمني فكفكة عقدك الجنسية وللمخرجة رشا شربتجي العتب كبير فقد أمتعت المشاهدين وحزت على إعجابهم فلا داع برأيي أن تتحولي عن خطك الشعبي لإرضاء النخب المثقفة بجرأة مشاهد غير مبررة وغير مدروسة, ولمن يبحث عن الإثارة فليكتب ويصور في القنوات المشفرة لا في بيوت الناس وعى حساب حرماتهم
5
قلة عقل
دادو            25/08/2010 08:36:00 ص
هلق هادا مشهد جنس وايمت كان الجنس قلة آدب ,لولاه ما كان حدا اجى عالدنيا كبروا عقلكون و حاجة تخلف بكرا بتعملوا لمست الايد ممارسة او مشهد جنس
4
والله حرام
تالا            25/08/2010 07:38:56 ص
يعني لاراعوا الشهر الكريم ولا راعوا انهم اثنينهم متزوجين وعندهم عيال يشوفونهم بهالمشهد مااستغربت من مكسيم لانه !!!!بس سلاف !!!!!!!!!!!!
3
وليد            25/08/2010 07:26:15 ص
مابعرف بس انو برأيكون مالاقيتو شي تعلقو عليه الا موضوع المشاهد الجنسية يعني في الواقعية الكبيرة يلي عم يصورها المسلسل في الفقر والذل يلي عايشتو العالم في كتير شغلات اهم بكتير من المشاهد الجنسية لان العالم مالة من هي المواضيع تبع انو المسلسل عم يخدش الحياء وعم يعرض مشاهد ساخنة ومدري شو حاجة بقا حاجة لاقونا شي نستفاد منو بتعليقكون عليه يعني حاولو تركزو عالشي المهم ركزولنا شي شوي على موضوع السكن وانو بدو يحلم الشب يحلم حلم انو يشتري بيت متل العالم والخلق طبعا بشي قرنة برات الشام اكيد مو بقلب الشام لانو هاد مافيه يحلم فيه لان حرام شرعا ما بيجوز يحلم الواحد انو يكون عندو بيت بقلب الشام ركزونا على موضوع النقل ركزونا على موضوع المي يلي بتفيض بالشتوية بالطرقات ركزونا وركزونا وركزونا ولك اه اه اه ولا بس شاطرين تركزو عالمشاهد الساخنة
2
العمى
ديانا            25/08/2010 04:22:01 ص
العمى قلة ادب وسفالة العمى احنا بشهر كريم عيب عيب اووووووووووف
1
شو هالتطور
حلبي            25/08/2010 01:33:55 ص
إلى الأمام. بؤسفني أن تكون الجرأة في المواضيع الجنسية فقط بينما معظم المجالات الفكرية والثقافية يعتبر التعرض لها من المحرمات إلا إذا كان الطرح في إطار السياق العام.
شارك برأيك !
     
الاسم:
عنوان التعليق:
التعليق:
     

الطقس في سوريا

دمشق


صحو
القصوى: 37°
الدنيا: 19°
الرطوبة: 10%
<< حالة الطقس في بقية المحافظات السورية
الأكثر قراءة الأكثر تعليقاً الأكثر إرسالاً

هل يستطيع الغرب الحد من توغل "داعش" في سورية والعراق ؟



ساحة الحوار    
    مختارات
تركيا والقرار 2170: لا للتحالف ضد «داعش»!
محمد نور الدين
"الخليفة" والأعشاب السامة
غسان شربل
نهاية الدولة العربية
كريستوفر ر. هِل
لا داعي لانتظار البرابرة.. فقد وصلوا
أمجد ناصر
بحر من التفاصيل!!
عبد الفتاح العوض
كلنا "داعش"!
سعد بن طفلة العجمي- وزير إعلام سابق في الكويت
حملة بصورتك لون علمك
Review www.dp-news.com on alexa.com
الرئيسية | سياسة | أخبار سورية | أخبار مصر | اقتصاد | كأس العالم | تحقيقات | شارك | بورصة ومصارف | رياضة | تنمية | منوعات | ثقافة وفن | صحة | عقارات | سيارات | سياحة | علوم واتصالات | برس ريليس
هيئة التحرير | لمحة | الإعلانات | الاتصال بنا